جلال ڪوري
جلال ڪوري
جلال ڪوري: شاعر جلال ڪوريءَ جو پورو نالو جلال الدين ولد جيئرو ڪوري آهي. هن ڳوٺ عالم پلي، تعلقي ۽ ضلعي عمرڪوٽ ۾، 13 جون 1961ع تي جنم ورتو. هن پرائمري تعليم گورنمينٽ پرائمري اسڪول قاضي نور محمد پليءَ مان حاصل ڪـئي ۽ مئٽرڪ گورنميـنٽ هاءِ اسڪـول ڍوري ناري مان ڪئي. هن ايم. اي (سنڌي) سنڌ يونيورسٽيءَ مان ڪئي ۽ ايم. ايڊ علامه اقبال اوپن يونيورسٽي اسلام آباد مان ڪئي.
نامور اديب معمور يوسفاڻيءَ ۽ حڪيم مجيد ’ماجد‘ اهرويءَ جي صحبت ۾، اسڪولي زندگيءَ ۾ ئي علم ادب سان دلچسپي پيدا ٿيس. شاعريءَ جي شروعات 1980ع کان ڪيائين. هي نئين ٽهيءَ جي شاعرن ۾ وائي ۽ نظم جو بهترين شاعر آهي. حليم باغي، مير حسن آريسر، اقبال رند، مظهر لغاري، ايوب کوسو ۽ جلال ڪوري ٿر جي نئين ٽهيءَ جي شاعرن ۾ سٺو مقام رکن ٿا. شاعريءَ جو هڪ مجموعو ترتيب ڏئي چڪو آهي. سندس تصنيفن ۾ هڪ ڪتاب: ’پڳهه ڇوڙي پنڌ پيا‘ (انور راڄڙ جي شخصيت: ترتيب-2000) شامل آهي. ڪلاسيڪي شاعر صوفي صادق سومري جي ڪلام کي نئين سر ترتيب ڏئي چڪو آهي، جيڪو صوفي صادق اڪيڊميءَ پاران جلد ڇپجڻ وارو آهي. ان کانسواءِ سندس ٻه ڪتاب: ’لاهوتي لڏي ويا- خان محمد مڱريو'>حاجي خان محمد مڱريو: شخصيت‘ ۽ ’سيرت پاڪ‘ (ترجمو) ڇپائيءَ هيٺ آهن.
ان کان سواءِ هن ڪيترا ادبي، تاريخي ۽ تنقيدي مقالا پڻ لکيا آهن. جلال ڪوري عمرڪوٽ تعلقي جي ڪيترن ئي اسڪولن جهڙوڪ: جالوءَ جي چونئري، ولي محمد آرائين، عالم پلي، ڍوري ناري، حاجي دائم بروهي، قاضي نور محمد پلي ۽ جلال الدين ڪوري پرائمري اسڪول ۾ ڪٿي هيڊماستر ۽ ڪٿي نائب ماستر طور پڙهائي چڪو آهي ۽ هن وقت سپروائيزر پرائمري اسڪولس، يو. سي ڍورونارو آهي.
لفظ جلال ڪوريھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1961.06.13 عيسوي
جلال ڪوري: شاعر جلال ڪوريءَ جو پورو نالو جلال الدين ولد جيئرو ڪوري آهي . هن ڳوٺ عالم پلي ، تعلقي ۽ ضلعي عمرڪوٽ ۾ ، 13 جون 1961ع تي جنم ورتو
شخصيتون - ڀاڱي جون ٻِيون داخلائون
جابر بن عبدالله الانصاريامين محمد اول هالائي مخدوم
تيرٿ سڀاڻي
سيما ابڙو ڊاڪٽر
شيما ڪرماني
شاهه بهارو
سنڌي ٻوليءَ تي تحقيق ڪندڙ عالم ۽ محقق
آر ڪي سڌوا
سُهندي برهمڻ
راجا توڏر مل